طاجن مكرونة باللحمة المفرومة

 

المقادير:

 -مكرونة مسلوقة.

- بصل مفروم - ثوم مفروم.

- 1/2 كيلو لحمة مفرومة.

- صلصة طماطم.

- بهارات - ملح - فلفل.

- كوب جبنة مبشورة ( يفضل جبنة رومى )

الطريقة:

- نضع سمنة على التار ثم نضيف البصل والثوم إلى أن يذبل ثم نضيف اللحمة والبهارات وتترك حتى النضج، ثم نضيف الصلصة والملح وتترك قليلا على النار ثم ترفع.

- فى قالب سيراميك أو بيركس تفرد المكرونة ثم يوضع طبقة من اللحم المفروم مع الصلصة ثم تغطى بالجبن المبشور .

- تدخل الفرن حتى يحمر وجهها .

مكرونة بالجمبرى

المقادير:

- جمبرى 

- مكرونة 

- شبت

- بصل مفروم - ثوم مفروم.

- بهارات - ملح -فلفل.

- فلفل اخضر شرائح.

- بصل جوانح.

- معلقتين زيت.

الطريقة:

- تسلق المكرونة وتترك جانبا.

- يسلق الجمبرى نصف تسوية .

-  فى حلة يوضع البصل المفروم  والثوم على النار حتى يذبل ثم تصاف الصلصة والملح والفلفل والبهارات، ثم يضاف الجمبرى ويترك لمدة دقائق ثم نضيف الفلفل الاخضر والشبت والبصل الشرائح ثم المكرونة وتترك لمدة 5 دقائق على النار ثم تقد م ساخنة.

صنية فراخ بالبطاطس والروز مارى

المقادير:

- فرخة مقطعة الى نصفين او 4.

- معلقتين مستردة.

-معلقتين عصير ليمون.

- معلقة بشر ليمون.

- بصل مبشورة.

-جوزة الطيب.

- ملح - فلفل.

-روز مارى طازج او مجفف.

- بطاطس.

الطريقة:

يتم خلط المستردة وعصير الليمون والبشر الليمون والروز مارى والبصل والبهارات وتوضع التتبيلة تحت الجلد بالفراخ وتترك لمدة كافية.

-يتم تقطيع البطاطس  الي اصابع سميكة .

- توضع الفراخ بصنية ونضع فوقها البطاطس والباقى من الخلطة وقليل من الماء ومعلقة سمن او زيت.

- تدخل الفرن لمدة ربع ساعة على نار عالية ثم تغطى بورق الالمونيوم وتترك على نار هادئة حتى النضج.

فراخ بالجبنة والرومى المدخن

المقادير:

صدور فراخ مخليه.

رومى مدخن.

جبنة موزاريلا.

ملح.

فلفل.

بهارات فراخ.

ثوم بودرة.

بصله مفرومة.

الطريقة:

- تضاف التوابل والبصل للفراخ وتترك لمده ساعتين .

- تحمر الفراخ فى طاسة ساخنة لدة 3 دقائق من كل جانب.

- ترص شرائح الدجاج فى صنية ويوضع على كل قطعة شريحة من الرومى المدخن ثم تغطى بالجبنه الموزاريلا.

- تدخل الفرن ألى ان يحمر الوجه وتقدم مع المكرونة والبطاطس.

 

الأرز الاسباني بالكزبرة والثوم

المقادير:

كوب أرز 

كزبرة مفرومة.

ثوم مفروم.

2 معلقة عصير ليمون.

الطريقة :

فى حله بيها زيت ضيفى الثوم واول ما يصفر ضيفى الرز المغسول وقلبيه مع التوم، بعد كده ضيفى الملح وكوب ماء لتسوية الارز واول ما الرز يشرب الماء ضيفى الكزبرة المفرومة وعصير الليمون وقلبي الرز ، وطى عليه لحد ما يكمل سواه.

مناسب لتقديمة مع الاسماك